1. Бош сахифа
2. Янгиликлар

ҲУРМАТЛИ МАҲАЛЛА ТИЗИМИ ХОДИМЛАРИ ВА ФАОЛЛАРИ!

×

Сизларни 22 март – “Маҳалла тизими ходимлари куни” байрами билан самимий табриклайман.

Ҳеч шубхасиз, Маҳалла - инсон камол топаётган оила ва бутун жамият ўртасидаги узвий боғлиқликни таъминлайди.

Мамлакатимизда маҳалланинг инсон ҳаётидаги ўрни ва аҳамиятини тубдан ошириш мақсадида яратилган янги тизим ана шу муҳим вазифани амалага оширишга хизмат қилади.

Маҳалла ҳамда хонадонларимиз ободлиги ва осойишталиги, хаётимиз фаровонлиги, хотин-қизларнинг манфаат ва хуқуқларини таъминлаш, ёшлар тарбияси ва маънавий камолоти масалаларидаги вазифалар ўз навбатида "еттилик" жамоа ходимларидан юксак масъулият, ўзаро ҳамжиҳатлик ва қатъий интизомни талаб этади.

Шу мақсадда, тизимда фаолият юритаётган кадрларнинг билим ва салоҳиятини ошириш билан соҳада кўзланган натижаларга эришиш борасида тизимли ишлар амалга оширилмоқда.

Қадрли маҳалла тизими ходимлари!

Ишонамизки, зиммангиздаги масъулиятли ва шарафли вазифаларни сидқидилдан бажариб, эл-юрт хурмати ва хукуматимиз эътирофига сазовор бўласизлар.

Бугунги байрам билан яна бир бор қутлаб, Сизларга аввало мустаҳкам соғлик, оилавий хотиржамлик ҳамда улкан муваффақиятлар тилайман.

Касб байрамингиз барчангизга муборак бўлсин!

Шамсиддин Турдалиев,

Олтиариқ тумани ҳокими.