1. Бош сахифа
2. Янгиликлар

ТЕЗ ТИББИЙ ЁРДАМ БРИГАДАСИ УЧУН ЯНГИ БИНО

×

Олтиариқ тумани Катпут МФЙда Тез тиббий ёрдам бригадаси учун янги бино фойдаланишга топширилди

Қўшни Қирғизистон давлати ва Риштон тумани билан чегарадош бўлган Катпут аҳоли пунктидаги Оилавий поликлиника 3 та МФЙдаги 6702 нафар аҳолига тиббий хизматлар кўрсатади.

Маскур муассаса қошида туман ҳокимлиги ва Республика Тез тиббий ёрдам маркази Фарғона худудий филиали ташаббуси билан фельдшерлик бригадаси ташкил қилинган.

Бу масканда фаолият юритаётган ходимлар ва аҳолига қулайликлар яратиш мақсадида ҳокимлик ва ташаббускорларнинг хомийлиги билан янги бино қурилди.

Барча шароитларга эга бўлган тиббиёт маскани очилишида Республика ишчи гуруҳи вакиллари, туман ҳокими, сектор раҳбарлари ҳамда кенг жамоатчилик вакиллари иштирок этдилар. Туман ҳокими Ш.Турдалиев ҳамда Тез тиббий ёрдам маркази Фарғона худудий филиали директори Б.Тошболтаевлар саломатлик посбонлари ва маҳалла аҳлини янги Тез тиббий ёрдам шаҳобчаси билан қутладилар.

Олтиариқ туман ҳокимлиги ахборот хизмати

https://t.me/oltiariqtumanihokimligi