1. Бош сахифа
2. Янгиликлар

ГУЛОБОДДА ЯНГИ МФЙ БИНОСИ ҚУРИЛДИ

×

Конституциямизнинг 31 йиллик байрами Олтиариқ туманида кенг нишонланмоқда.

Туманнинг 3-секторида Гулобод МФЙ аҳолисига байрам шодиёналари қўшалоқ бўлди. МФЙ учун қуриб битказилган кўркам ва қулай шароитларга эга янги бино фойдаланишга топширилди. 

Туман ҳокими Ш.Турдалиев, маҳалла аҳли - нуронийлар, ёшлар ва барча фаолларни байрам билан қизғин табриклади ҳамда янги қурилган бино байрам туҳфаси бўлганини таъкидлади. 

3-сектор раҳбари, ИИБ бошлиғи И.Сотволдиев худудда амалга оширилаётган бунёдкорлик ишлари, ободонлаштириш тадбирлари ва маҳалла инфратузилмасини янада яхшилаш бўйича амалга оширилаётган чора-тадбирлар ҳақида гапирди. 

Нуроний жамғармаси туман бўлими раҳбари К.Пармонов нуронийлар номидан миннатдорчилик билдирди. 

Туман раҳбарлари ва жамоатчилик иштирокида Гулобод МФЙ биноси рамзий тасмани қирқиш билан очилди. 

 Маданият бўлими санъаткорлари томонидан концерт дастури намойиш қилинди. Маҳалла аҳли биргаликда файзли дастурхон атрофида байрамни нишонладилар.

https://t.me/oltiariqtumanihokimligi