1. Бош сахифа
2. Янгиликлар

СЕМИНАР-ТРЕЙНИНГ

×

Олтиариқ туманида ўтказилган ўқув семинари хотин-қизлар фаолларининг психологик билимларини оширишга қаратилди. “Хотин-қизлар фаолларининг психологик билимларини шакллантириш” мавзусида ўқув-семинари ўтказилди.

Унда 72 та маҳалла фуқаролар йиғинларида фаолият олиб бораётган хотин-қизлар фаоллари икки гуруҳга бўлинган ҳолда иштирок этди.

Хотин-қизлар фаолларининг психологик билимларини оширишга қаратилган семинарда Ўзбекистон психологлар ассоциацияси аъзолари қатнашиб, фуқаролар билан ишлаш жараёнида эътибор қаратиш зарур бўлган масалалар юзасидан маърузалар қилишди.

Ўқув машғулотлари давомида хотин-қизлар фаолларининг психологик билимларини шакллантириш, фуқаролар билан ишлашда низоли вазиятларнинг олдини олиш, нотинч оилалар билан ишлаш, руҳий тушкунликка тушган шахсларга биринчи ёрдам кўрсатиш каби махсус кўникмалар берилди.

Семинар якунида хотин-қизлар фаолларини қизиқтирган саволларга мутахассислар томонидан тегишли жавоблар берилди. Унинг барча фаол иштирокчиларига эса махсус сертификатлар топширилди.