1. Бош сахифа
2. Янгиликлар

БЕШОҒАЙНИ ХАШАРДА

×

Яқинлашаётган Ийд-Қурбон хайити арафасида Олтиариқ тумани марказидаги "Бешоғайни" маҳалласи аҳолиси ҳар йилги анъаналарига мувофиқ хашар уюштирдилар.

"Матқосимқори" қабристонида маҳалла фаоллари ташаббуси билан катталар ва ёшлар жамланиб, аввало қуръон тиловат қилинди. Кексаларнинг дуоси ҳамда ёшларнинг ғайрати билан қабристонда тозалов ва ободонлаштириш ишлари амалга оширилди. Ер майдонлари ва дарахтларга ишлов берилди.

Ота-боболаримиздан мерос бўлган урф-одатлар қаторида хашарнинг аҳамияти катта. Унда одамлар орасида бирдамлик ва меҳр-мурувватни мустаҳкамловчи ҳамда ёшларни халоллик ва меҳнатсеварликка ундовчи хислатлар шаклланади. Туғишган оға-инилардек аҳил ва иноқ бўлган бешоғайниликлар ана шундай эзгу ишларда доимо фаол бўладилар.