1. Бош сахифа
2. Янгиликлар

85 НАФАР ИШСИЗ АЁЛЛАР КАСБГА ЎҚИТИЛДИ

×

 Олтиариқ туманида аёллар бандлигини таъминлаш, уларни касбга йўналтириш ҳамда ҳуқуқий ва психологик ёрдам бериш борасида бир қатор ижобий ишлар амалга оширилмоқда. Фарғона вилояти “Меҳрижон” аёллар ва болалар маркази, туман ҳокимлиги ҳамда Фарғона давлат университети хузуридаги Олтиариқ Саноаът техникуми ҳамкорлигида ишсиз ва Аёллар дафтари рўйҳатига киритилган хотин-қизлар қисқа муддатли касб-хунар курсларида ўқитилди. Уларга қуёнчилик, гулчилик, мева-сабзавотларни қуритиш ва қадоқлаш, сут ва сут маҳсулотларини ишлаб чиқариш, компьютер саводхонлиги, сават тўқиш каби ўқув курсларида тажрибали мутаҳассислар таълим бердилар. Шунингдек, ўқув курси мобайнида хотин-қизларга ўз бизнесини йўлга қўйиш юзасидан маҳорат дарслари ўтилиб, уларнинг ҳуқуқий саводхонлиги ҳам оширилди. Бугун 1 ой мобайнида ўқитилган аёлларнинг эгаллаган касб-хунарлари ва олган билимлари синовдан ўтказилди. Аёллар томонидан қўл меҳнати билан ясалган кўргазма ташкил қилинди. Мазкур ўқув курсларини муваффақиятли тамомлаган 85 нафар аёлларга сертификатлар топширилди. Энди ушбу аёллар хунар эгаси сифатида ўзларини бандлигини таъминлайдиган бўлдилар.

https://t.me/oltiariqtumanihokimligi