1. Бош сахифа
2. Янгиликлар

ОЛТИАРИҚЛИК ДЕҲҚОНЛАР ШАРАФЛАНДИ

×

Олтиариқлик деҳқон-миришкорлар бу йилги ғалла мавсумини муваффақиятли бажарганликлари шарафига катта байрам тадбири ташкил этилди

Тадбирда туман ҳокими Шамсиддин Турдалиев, сектор раҳбарлари, фахрийлар, хотин-қизлар вакиллари, фермер ва кластер раҳбарлари, сувчи, механизатор, комбайн операторлари, отрядлар раҳбарлари, қишлоқ хўжалиги соҳаси фидойилари иштирок этди.

Туман раҳбари деҳқонларни эришган ютуқлари билан қутлаб, бундай натижага давлатимизнинг қишлоқ хўжалиги соҳасига бўлган эътибори, бозор иқтисодиётига хос ёндашувни ва моддий рағбатлантириш механизмини жорий этилгани, қолаверса аграр сектор, олдинги тизимдан мутлақо фарқ қилар даражада трансформация қилингани сабаб эришилганини таъкидлади.  

Олтиариқ туманида жорий йил 5 минг 400 гектар майдонга ғалла экилди. Миришкор деҳқонлар 13 минг 946 тонна ҳосилни давлатимиз хирмонига топшириб, белгиланган давлат шартнома режасини бажардилар.

Ғалла ўрим-йиғим ишларини сифатли ташкил этиш учун соҳа вакиллари 23 та отрядга бирлашиб миришкорларга кўмакдош бўлди. “Ғалла – 2022” мавсумида яхши натижаларни қўлга киритган "Фаҳриддин Мирзо", "Зиёдулло Нодирбек файз", "Комил Ҳамдам Замини", "Ҳошимбой Муҳаммадюсуф", "Қизилтепа омадли насл" каби бир қатор фермер хўжаликлари номларини алоҳида таъкидлаш ўринлидир.

Туман раҳбари юқори натижани қўлга киритган, қишни қиш, ёзни ёз демай, пайкал оралаган сувчи ва механизаторларга, кластер ва фермер хўжалиги раҳбарларига ўз миннатдорчилигини билдириб, уларга эсдалик совғаларини топширди.

Бизни ижтимоий тармоқларда кузатинг
Facebook | Telegram | Telegram murojaat