1. Бош сахифа
2. Янгиликлар

ОЛТИАРИҚДА ВИЛОЯТ КЕНГАШИ ДЕПУТАТЛИГИ УЧУН САЙЛОВ БЎЛИБ ЎТДИ

×

Бугун Олтиариқ туманидаги 35-Тинчлик сайлов округида бўшаб қолган ўринга Халқ депутатлари Фарғона вилоят Кенгаши депутатлигига сайловлар бўлиб ўтмоқда.

Барча сайлов участкаларида сайлов жараёнлари эрта тонгда Давлат мадҳияси билан бошланди.

Хусусан, 14-мактаб биносида жойлашган 734-сайлов участкасида эрталаб соат 8:00 да байрамона руҳда бошланган сайловда ҳудудда истиқомат қилаётган маҳалладошлар сайловда фаол иштирок этиш учун оила аъзолари, қўни-қўшнилари билан биргаликда ташриф буюришни бошладилар.

– Сайлов участкамизда 2554 нафар сайловчи бор. Уларнинг 23 нафари илк сайловчилардир, – дейди 734-сайлов участкаси раиси Ёқутхон Мамажонова.

Барча сайлов участкаларида сайловчиларнинг эркин овоз бериши учун барча қулайликлар яратилган. Шунингдек, сайлов участкасига кела олмайдиган фуқароларга кўчма сайлов қутилари орқали хизмат кўрсатилмоқда.

Эслатиб ўтамиз, сайлов жараёнлари кечки соат 20:00 га қадар давом этади.

Олтиариқ тумани ҳокимлиги ахборот хизмати.

Бизни ижтимоий тармоқларда кузатинг
Facebook | Telegram | Telegram murojaat