1. Бош сахифа
2. Янгиликлар

ОЛТИАРИҚ САНОАТ ТЕХНИКУМИ БИТИРУВЧИЛАРИГА ДИПЛОМ ТОПШИРИШ МАРОСИМИ БЎЛИБ ЎТДИ

×

Шу муносабат билан ўтказилган тадбирда туман ҳокимлиги вакиллари, тумандаги иш берувчи ташкилотлар мутасаддилари, фахрий устозлар, техникум ўқитувчилари ва ўқувчилари ҳамда уларнинг ота-оналари иштирок этди.

Тадбирда техникумнинг моддий техник базаси мустаҳкамланиб, ўқитиш сифати йилдан-йилга ошаётгани, Фарғона Давлат университети билан техникум ўртасида изчил ҳамкорлик йўлга қўйилган бўлиб, олийгоҳнинг юқори малакали профессор-ўқитувчилари томонидан техникум ўқувчиларига маҳорат дарслари ўтилаётгани алоҳида эътироф этилди. 

Шунингдек, техникумни битирган ўқувчилар ўз соҳасига мос бакалавриат таълим йўналишлари бўйича университетнинг 2-курсидан ўқишни давом эттиришлари мумкин эканлигини алоҳида таъкидланди. 

Тадбир якунида ўқиш даврида таълим-тарбия жараёнини самарали ташкил этиш, техникум нуфузини оширишга муносиб ҳисса қўшганларга ташаккурномалар тақдим этилди. 132 нафар битирувчига Олтиариқ Саноат техникумини битирганлик тўғрисидаги диплом тантанали равишда топширилди.

Бизни ижтимоий тармоқларда кузатинг
Facebook | Telegram | Telegram murojaat