1. Бош сахифа
2. Янгиликлар

БИТИРУВЧИЛАРГА ДИПЛОМ, СПОРТЧИЛАРГА ЭСА ЭСДАЛИК СОВҒАЛАРИ ТОПШИРИЛДИ

×

Туманимиздаги профессионал таълим муассасаларини 2021-2022 ўқув йилида битириб, бошланғич профессионал таълим дипломига эга бўлаётган битирувчиларга диплом топшириш тадбирлари кўтаринки кайфиятда бўлиб ўтмоқда.

Асосий эътибор эса битирувчиларни ўз йўналишлари бўйича муносиб иш ўринлари билан таъминлаш, шунингдек, олий таълим муассасаларида таҳсил олишлари учун етарли шароит яратиб беришга қаратилмоқда.

Бугун бўлиб ўтган тумандаги 2-сон касб-ҳунар мактаби битирувчиларига диплом топшириш маросимида туман ҳокими Шамсиддин Турдалиев, Миллий гвардия Фарғона вилояти бўйича бошқармаси бошлиғи, полковник Шавкат Акбаров, иш берувчи ҳамкор ташкилотлар, ота-оналар ҳамда битирувчи ўқувчилар иштирок этди.

Тадбирда сўз олган Ш.Турдалиев ҳамда Ш.Акбаровлар битирувчиларга келгуси ўқиш ва иш фаолиятларида омад тиладилар ва 250 нафар ўқувчиларга, жумладан, 2 нафар ўқувчига имтиёзли бошланғич профессионал таълим дипломларини тантанали равишда топширдилар.

Шунингдек, тадбирда куни-кеча ўтказилган UZBEKISTAN OPEN-2 кикбоксинг бўйича халқаро турнирда ғолибликни қўлга киритган 6 нафар туманимиздаги ёш спортчиларга туман ҳокимлиги томонидан эсдалик совғалари топширилди.

Бизни ижтимоий тармоқларда кузатинг
Facebook | Telegram | Telegram murojaat