1. Бош сахифа
2. Янгиликлар

ЭҲТИЁЖМАНД ОИЛАЛАРГА БЕПУЛ БУҒДОЙ ТАРҚАТИЛМОҚДА

×

Қурбон ҳайити меҳр-оқибат, саховат ва инсонпарварлик туйғуларини ўзида мужассам этганлиги билан барчамиз учун энг қадрли айёмдир. Зеро, муқаддас байрам кунлари юртдошларимиз бир-бирларига яхшилик ва эзгулик улашадилар. Ана шу каби саховат тадбирлари “Иносн қадри учун” шиори остида Олтиариқда ҳам шу кунларда кенг қулоч ёймоқда.

Қурбон ҳайити арафасида жорий йилги ғалла мавсумини уюшқоқлик билан ўтказиб, улкан хирмон уйишга эришган олтиариқлик азму қатъий, шижоатли фермерлар ўз фермер хўжаликлари аъзоларига, ҳудудларда яшовчи эҳтиёжманд оилаларга буғдой маҳсулотларини беғараз тарқатмоқдалар.

Бугун туман ҳокми Ш.Турдалиев ва сектор раҳбарлари иштирокида тумандаги 1042 та ижтимоий ҳимояга муҳтож, "Темир дафтар", "Аёллар дафтари" ва "Ёшлар дафтари"да турувчи оилаларга 586 тонна буғдой тарқатилди. Ва бу каби эзгу ишлар давом этмоқда.

– Омборимиз донга тўлаётганидан жуда хурсандман. Инсон учун саломатлик ва нондан азиз нарсанинг ўзи йўқ. Кўрсатилган бу ёрдам дастурхонимизни анча вақт обод қилади. Илоҳим, юртимиз тинч, мамлакатимиз обод бўлаверсин. Деҳқонларимизнинг кишти-корини бериб, озиқ-овқат маҳсулотларимиз янада мўл бўлсин. Кўрсатилаётган бундай ғамхўрликлар учун давлатимиздан беҳад миннатдормиз, – дея қўлларини дуога очди бир гуруҳ нуронийлар. 

Туманда эҳтиёжманд оилаларга бепул дон топшириш ишлари давом этмоқда.

Бизни ижтимоий тармоқларда кузатинг
Facebook | Telegram | Telegram murojaat