Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
21 НАФАР БОЛАЖОНЛАРНИНГ СУННАТ ТЎЙИ ЎТКАЗИЛДИ
2022-07-04 20:23:27 205
Мамлакатимизда Президентимиз Шавкат Мирзиёев раҳнамолигида аҳолининг ижтимоий ҳимояга муҳтож қатламларини моддий ва маънавий қўллаб-қувватлаш, жамиятда ўзаро меҳр-оқибат, ҳамжиҳатлик ва хайр-саховат муҳитини янада мустаҳкамлаш борасида кенг кўламли ишлар амалга оширилмоқда. Инсон қадрини улуғлаш ва фаол маҳалла йилида бу борадаги ишлар янги босқичга кўтарилди.
Жойларда кам таъминланган ва эҳтиёжманд оилалар фарзандларининг суннат тўйлари ўтказилаётгани бунинг ёрқин ифодасидир. Бугун Олтиариқ тумани ҳокимлиги томонидан “Инсон қадри учун” шиори остида тумандаги эҳтиёжманд оилаларнинг 21 нафар фарзандига суннат тўйлари ўтказиб берилди.
Тўйболаларнинг ҳар бирига велосипед, ширинликлар, бош-оёқ сарпо ҳамда бир қатор совғалар топширилди.
“Осиё” тантаналар мажмуида тўказилган тўйда туман ҳокими Ш.Турдалиев бошчилигида сектор раҳбарлари ва бир гуруҳ туман фаоллари тўй болаларнинг оила аъзолари ва яқинлари иштирок этди.
Тантанани кириш сўзи билан очган туман ҳокими жажжи кичкинтойлар келажакда Ватанимиз ривожи учун хизмат қиладиган комил шахс бўлиб камол топишлари, Ватанига садоқатли, зиёли инсонлар бўлишларига ишонч билдирди.
— Мустақил диёримизда ҳар бир оила, ҳар бир бола бахтли бўлиши учун халқчил ислоҳотлар амалга оширилмоқда, — дейди тўй болаларнинг ота-оналари. — Бизларга ҳамиша ғамхўрлик қилиб келаётган давлатимиз раҳбарига чексиз миннатдорчилик билдирамиз.
Катта шодиёналик билан ўтган тўй даврасини таниқли хонандалар куй ва қўшиқлари билан безашди.
Бизни ижтимоий тармоқларда кузатинг
Facebook |
Telegram |
Telegram murojaat
